Садыр Жапаров баштаган делегация Москва шаарына барды
967
Өлкө башчы Садыр Жапаров бүгүн, 7-октябрда иш сапары менен Москва шаарына (Россия Федерациясы) барды. Президенттин администрациясынан билдиришкендей, Садыр Жапаровду "Внуково-2" аэропортунан Россиянын тышкы иштер министринин орун басары Михаил Галузин тосуп алды.
Сапардын алкагында Садыр Жапаров Көз карандысыз Мамлекеттер Шериктештигинин Мамлекет башчыларынын кеңешинин кезектеги жыйынына катышат.
Сүрөт: Президенттин администрациясы
Сүрөт: Президенттин администрациясы
Сүрөт: Президенттин администрациясы
Сүрөт: Президенттин администрациясы
Кыргыз Республикасынын расмий делегациясынын курамындагылар:
- министрлер кабинетинин төрагасынын биринчи орун басары, Кыргызстандын КМШ иштери боюнча улуттук координатору Адылбек Касымалиев;
- тышкы иштер министри Жээнбек Кулубаев;
- президенттин администрациясынын тышкы саясат бөлүмүнүн башчысы Муратбек Азымбакиев;
- Кыргызстандын Россиядагы элчиси Кубанычбек Боконтаев;
- инвестициялар боюнча улуттук агенттиктин директору Талантбек Иманов;
- Көз карандысыз Мамлекеттер Шериктештигинин Экономикалык кеңешинин алдындагы Экономикалык маселелер боюнча комиссиядагы Кыргызстандын ыйгарым укуктуу өкүлү Улукбек Кармышаков.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://gorod.kaktus.media/17601
