АРИС Kloop сайтынын үстүнөн жазган арызын кайтарып алды
Коомчулукту өнүктүрүү жана инвестициялоо агенттиги (АРИС) Kloop сайтынын үстүнөн жазган арызын кайтарып алды. Бул тууралуу Kloop сайтынан билдиришти.
Маалымдалгандай, АРИС 2-февралда арызын кайтарып алган. Ушуга байланыштуу kloop.kg"нин редакциясына карата административдик процедура токтотулду.
АРИС Kloop сайтынын үстүнөн 1-февралда даттанганы белгилүү болгон. Анда редакцияга "АРИС Орунбеков мурда айткан социалдык объектилердин баасын ашыкча баалоону четке какты" деген макаланы алып салууну талап кылган эки кат келген. Каттарда мамлекеттик органдар бул материалда "так эмес (жалган) маалымат бар" деп ырасташкан. Маданият министрлигинин чечими аткарылбаса, "Kloop сайтынын ишин эки айга чейин токтотобуз" дешкен.
Буга чейин АРИСтин өкүлдөрү журналисттерден макаланын аталышын өзгөртүүнү талап кылышкан, анткени алар аны туура эмес деп эсептешкен.
Kloop Маданият министрлигинин катына жооп кылып, материалды алып салбай турганын билдирди.
