Валентина Шевченко Алекса Грассону жеңип, чемпиондук курун кайтарды
14-сентябрдан 15-сентябрга караган түнү Лас-Вегаста UFC 306 турнири өттү. Анда Валентина Шевченко мексикалык Алекса Грассо менен беттешип, чемпиондук титулун коргоп калды.
Беттеш беш раундга тең созулуп, Шевченконун бир добуштан (50-45, 50-45, 50-45) жеңиши менен аяктады. Мунун аркасында ал UFC чемпиондук курун кайтарып алды.
Бул беттеш бул спортчулардын ортосундагы үчүнчү беттеш болду. 2023-жылдын мартында UFC 285 турниринде Грассо төртүнчү раундда муунтуу менен утуп, титулду Шевченкодон тартып алган. Ошол эле жылдын сентябрь айында UFC Fight Night 227 турниринде реванш болуп, анда экөө тең чыгышкан.
Жалпысынан Шевченконун эсебинде 23 жеңиш, төрт жеңилүү жана бир тең чыгуу бар. Грассонун эсебинде 16 жеңиш, төрт жеңилүү жана бир тең чыгуу бар.
