Кримтөбөл Дженгонун кылмыштуу тобунун дагы бир мүчөсү кармалды
1467
Кримтөбөл Дженгонун кылмыштуу тобунун дагы бир мүчөсү Жалал-Абад облусунда колго түшүрүлдү. Бул туурасында УКМКнын маалымат кызматынан кабарлашты.
Белгилүү болгондой, 10-февралда УКМКнын Ош шаары жана Ош облусу боюнча башкы башкармалыгы жана милиция кызматкерлери тарабынан Кадыр Досоновдун уюшкан кылмыштуу тобунун активдүү мүчөлөрүнүн бири К.С. кармалды. Ал 1986-жылы туулган, 209-беренеде каралган кылмыштын негизинде 2022-жылдын июнь айынан бери издөөдө жүргөн. Кармалган жаран Жалал-Абад облусунун Ноокен РИИБнин убактылуу кармоочу жайына киргизилди.
Сүрөт: УКМКнын маалымат кызматы
Учурда К.С.тин башка кылмыштарга катыштыгы бар экендигин аныктоо боюнча тиешелүү тергөө-ыкчам иш-чаралар жүргүзүлүүдө. Тергөө иштери жүрүп жатат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://gorod.kaktus.media/10309
