"Ош сила" лотереясын ойноткондорго кылмыш иши козголду
Ош шаарынын жана Ош облусунун аймагында "Ош сила" аттуу профессионалдык лотерея ойноткондор аныкталды. УКМКдан кабарлашкандай, лотерея ойноткондордун тиешелүү лицензиясы болгон эмес.
Комитеттин маалыматына ылайык, К.уулу К. жана Б.М.А. "Лотереялар жөнүндө" мыйзамдын талаптарын бузуу менен "Ош сила" лотересын уюштургандыгы аныкталды. Бул факты боюнча 218-берененин 1-бөлүмү (Мыйзамсыз ишкердик кылуу) менен кылмыш иши козголгон.
Тергөөнүн жүрүшүндө жогорудагы адамдарга Финансы рыногун жөнгө салуу жана көзөмөлдөө кызматынын түштүк башкармалыгы тарабынан мыйзамсыз иш-аракеттерди токтотуу боюнча бир нече жолу буйрук берилгендигин, бирок белгиленген көрсөтмөлөрдү эске албай лотерея уюштурууну улантышкан.
Уюштуруучулардын жашаган жерин тинтүү учурунда лотерея барабандары, билеттери жана тергелип жаткан ишке тиешелүү башка буюмдар жана документтер алынган. Бул иш боюнча иштин бардык жагдайларын аныктоого багытталган тиешелүү тергөө-ыкчам иш-чаралары жүргүзүлүүдө.
