Жогорку Кеңештин дагы бир депутаты уруп-сабоого айыпталууда
Жогорку Кеңештин депутаты Жеңишбек Токторбаев Жалал-Абаддагы мейманканасында иштеген жумушчуну сабаганга айыпталууда. Мындай маалыматты Kaktus.media сайтына күч түзүмдөрүнөн кабарлашты.
Берилген маалыматка караганда, 9-мартта Жалал-Абад ОИИБине 1984-жылы туулган С.С. аттуу жергиликтүү тургун кайрылган. Арыздануучу Жалал-Абадда курулуп жаткан мейманкананын ээси Жеңишбек Токторбаев сабап салганын айткан.
Сабалдым деген жаран ооруканага жаткырылып, бул факты катталып, зарыл болгон экспертизалар дайындалган. Бирок 13-мартта жабырлануучу тосмо арыз жазды.
Жеңишбек Токторбаев курулушчудан кечирим сурабаганы маалым болду. Алдын ала маалыматка караганда, жумушчуну депутат өзү эмес, анын уулу сабаган.
Белгилей кетсек, 12-мартта депутат Жаныбек Абиров "Золотой дракон" ресторанында орун алган мушташтын катышуучусу болгон. Анда күзөтчү жаракат алып, ооруканага түштү. Бул факты Октябрь РИИБине каттоого алынып, текшерүү иштери жүрүүдө.
