Акимиатынын жетекчиси бюджеттин эсебинен "Эмгек" партиясын каржылаган деп айыпталууда
Бюджеттик каражаттарды туура эмес сарптоо фактысы боюнча мэриянын райондук администрация башчыларынын бири кармалды. Бул тууралуу УКМКнын басма сөз кызматы билдирди.
Кыргыз Республикасынын УКМК тарабынан КР Кылмыш-жаза кодексинин 205-беренесинин 3-бөлүмү (Ишенип берилген мүлктү ыйгарып алуу же ысырап кылуу) боюнча кылмыштардын жана жоруктардын бирдиктүү реестрине катталган сотко чейинки өндүрүштүн алкагында, Бишкек шаардык мэриясынын муниципалдык администрация башчыларынын бири Ч.Ч. кармалган.
Такталган маалымат боюнча, кармалган адам бюджеттик каражаттарды үгүт иштери үчүн депутаттыкка талапкерлердин бирине мыйзамсыз бөлүп берген. Бул бюджеттик каражаттар Бишкектеги аймактардын бирин жакшыртууга арналган болчу.
Кармалган адам КР УКМК тергөө камак жайынын убактылуу кармоочу жайына киргизилди. Азыркы учурда тергөө иштери жүрүп жатат. УКМК Бишкек шаардык кеңешине шайлоо учурунда шайлоо мыйзамдарынын бузулушун аныктоо жана бөгөт коюу боюнча тийиштүү иштерди улантууда.
