Анкарада Кыргызстан менен Түркиянын президенттери жолугушту. Сүрөт
15-мартта Анкара шаарында Кыргызстандын президенти Садыр Жапаров түрк кесиптеши Режеп Тайып Эрдоган менен жолугушту. Бул тууралуу президенттик аппараттын маалыматтык саясат бөлүмү билдирди.
Эске салсак, Жапаров Түркияга Түрк мамлекеттер уюмунун кезексиз саммитине катышуу үчүн келген.
Маалым болгондой, жолугушууда Эрдоган февраль айында Түркияда болгон жер титирөөлөрдүн кесепеттерин жоюуга көрсөткөн жардамы үчүн кыргыз тарапка ыраазычылык билдирди. Тактап айтканда, жиберилген куткаруучулар тобуна, ошондой эле мобилдик оорукана тарабынан көрсөтүлгөн гуманитардык жана каржылык жардам үчүн.
Кыргыз бир туугандардын мындай колдоосу түрк элине чоң күч-кубат берет.
Жапаров жер титирөөлөрдүн натыйжасында көп сандаган курмандыктарга байланыштуу дагы бир жолу көңүл айтты. Ал эми "кыргыз эли бир тууган Түркияны колдоого дайым даяр" деп белгиледи.
Соода-экономикалык кызматташтыкты талкуулап жатып, Түркиянын президенти Түрк инвестициялык фондун түзүүнү жана анын Бишкекте аймактык өкүлчүлүгүн ачууну колдой турганын баса белгиледи. Ал эми Жапаров экономикалык кызматташуу боюнча өкмөттөр аралык комиссиянын кезектеги жыйынын жакынкы аралыкта өткөрүү сунушун киргизди.
