Мамбет Мамакеев менен Эрнст Акрамов 42 жылдан кийин элдешти. Видео

Чүй облустук ооруканасынын жамааты Kaktus.media сайтына кайрылып, "Медицина тармагындагы тарыхый окуя" – эки хирург Эрнст Акрамов менен Мамбет Мамакеевдин жарашуусу тууралуу жазуу өтүнүчүн келтиришти. Белгилүү хирургдардын урушу 42 жылга созулган. Чырдын себебин дарыгерлердин айтымында, хирургдар өздөрү гана билишет.

№2 хирургия бөлүмүнүн башчысы Бахтияр Кулбачаевдин айтымында, оорукананын жалпы жамаатын кубанткан жакшы окуя 17-мартта болгон.

"Чынын айтсам, 40 жыл мурун эмне болгонун билбейбиз. Булар эмне үчүн ушунча убакыт сүйлөшпөгөнүн өздөрү билишсе керек", - дейт хирург Ярмухамед Абдулбакиев.

Анын айтымында, элдешүүнү Мамбет Мамакеев демилгелеген. 16-мартта кечинде өзүнүн биринчи жана эң мыкты окуучусу Эрнст Хашимовичке телефон чалган. "Эрнст Хашимовичтин кандай жашап жатканын билсем деген ой көп жылдар бою оюмдан чыга элек" деген. 17-мартта бизди өзүнүн клиникасында салтанаттуу тосуп алып. Хашимовичке чапан, калпак кийгизип, дасторкон жайып, бешбармак менен сыйлады. Мен Мамбет Мамакеевичтин керемет сөздөрүнө күбө болдум" - деди Абдулбакиев.

Мамбет Мамакеев ооруканага Акрамовдун ысымын ыйгарууга жардам берүүнү убада кылганын айтышты дарыгерлер. Чүй облустук ооруканасынын жамааты хирургдарга чың ден соолук, узун өмүр каалашты.