Ош базарында дары-дармектер мыйзамсыз сатылууда. Рейддин жыйынтыгы
30-мартта Саламаттыкты сактоо министрлигине караштуу Дары-дармек жана медициналык багыттагы буюмдар департаментинин, Ленин райондук администрациясынын жана Бишкек шаарынын Ленин райондук ички иштер бөлүмүнүн өкүлдөрүнөн турган ведомстволор аралык жумушчу топ дары-дармектердин мыйзамсыз сатылышы боюнча текшерүү жүргүздү. Рейд "Ош базарында" жана "Берекет универсал" соода комплексинин аймагында өткөн.
Анда дагы деле дары-дармектер мыйзамсыз сатылып жатканы аныкталган.
КР Кылмыш-жаза кодексинин 284-беренесинин 1-пунктуна ылайык, Дары-дармек департаментинин кызматкерлери тарабынан өз алдынча мыйзамсыз дары-дармектерди жана медициналык буюмдарды саткан жарандарга протоколдор түзүлдү. Баары менен түшүндүрүү иштери жүргүзүлүп, бешөөнө айып салынды.
Бул сындуу рейддер мындан ары да үзгүлтүксүз өткөрүү пландалууда.
