Сузактын тургундары эшек уурдады деген жаранды кармап алышты. Бирөө качып кеткен
Интернетке эшек урдоого шектелген жаранды жергиликтүү тургундар кармап, унаага байлап койгон видео тарады. Окуя Сузак районунда болгонун Kaktus.kg сайтына Жалал-Абад ОИИБден билдиришти.
Белгил болгондой, РИИБге 40 жаштагы жарандан билдирүү түшкөн. Анда 6-апрелде саат 23:30 чамасында Кыз-Көл айыл аймагында Hyundai Porter унаасына белгисиз жарандар эшектерди жүктөп бара жатканы айтылган.
Жерине барган ыкчам топ 2 эшекти унаага салып бараткан жеринен Кара-Алма айыл аймагынын 1993-жылы туулган эки тургуну жергиликтүү тургундар тарабынан кармалып, бирөө качып кеткендигин тактаган.
Бул окуя боюнча жергиликтүү тургундар арыз менен кайрылып, 205-берене (Уурдоо) менен кылмыш иши козголгон.
7-апрелде Кара-Алма айыл аймагынын тургуну 1993-жылы туулган Т.И. шектүү катары Сузак РИИБдин убактылуу кармоочу жайына киргизилген. Шектүүнүн баш коргоо чарасы Сузак райондук сотунда каралып, үй камагына чыгарылган. Ал эми анын шериги З.Р`нын жүргөн жерин тактоо, издөө иштери жүрүп жатат дешет милициядан.
