Алмазбек Атамбаевге жаза чарасы узартылды. 7-июнга чейин №47-колонияда болот
Сот мурунку президент Алмазбек Атамбаевге жаза чарасын 7-июнга чейин узартты. Бул тууралуу Kaktus.media'га Биринчи май райондук сотунун басма сөз кызматы билдирди.
Берилген маалыматка ылайык, чечим 1-апрелде кабыл алынды. Кабыл алынган чечимге ылайык Атамбаев 7-июнга чейин №47-түзөтүү колониясында жазасын тартат.
Андан тышкары, криминалдык авторитет Азиз Батукаевди мыйзамсыз бошотуу иши каралууда, жана бул боюнча соттук отурум 15-апрелде, 14:00до өтөт.
Эске салсак, Алмазбек Атамбаев буга чейин УКМКнын СИЗОсунда отурган болчу. Ал криминалдык авторитет Азиз Батукаевди мыйзамсыз бошотуу жана Кой-Таш окуялары боюнча айыпталууда. Ал 2019-жылдын август айынан бери камакта болчу. Өткөн жылдын октябрь окуялары учурунда бир нече күнгө бошотулуп, кайра 10-октябрьда камакка алынган.
