Садыр Жапаров май айында Кытайдагы саммитке катышат
Кытайдын Сиань шаарында 2023-жылдын май айында Борбор Азия өлкөлөрүнүн жана Кытайдын мамлекет башчыларынын жолугушуусу болот. Бул тууралуу Экономика жана коммерция министрлигинин басма сөз кызматы билдирди.
Маалым болгондой, бүгүн, 18-апрелде кытай тараптын демилгеси менен видеоконференция режиминде "Кытай – Борбордук Азия" экономика жана соода министрлеринин биринчи жолугушуусу болуп өттү. Ага Кыргызстандын экономика жана коммерция министри Данияр Амангелдиев, Кытайдын коммерция министри Ван Вэнтао, Казакстандын вице-премьер-министри – соода жана интеграция министри Серик Жумангарин, Тажикстандын экономика министри Завки Завкизода, Түркмөнстандын соода жана тышкы экономикалык байланыштар министри Бегенч Гочмоллаев жана Өзбекстандын инвестиция, өнөр жай жана соода министри Лазиз Кудратов катышты.
Мындай жолугушууларды соода-экономикалык кызматташтыктын жыйынтыгын системалуу түрдө чыгаруу, өнүгүү жолдорун пландоо жана алты өлкөнүн экономикасын өнүктүрүүгө көмөк көрсөтүү максатында үзгүлтүксүз өткөрүү пландаштырылууда.
Жолугушуунун жыйынтыгында:
- соода-экономикалык кызматташтыкты өнүктүрүүнүн негизги жолдору белгиленди;
- 2023-жылдын май айында Си Цзинь шаарында алты өлкөнүн мамлекет башчыларынын катышуусу менен биринчи Кытай-Борбор Азия саммитинин алкагында кол коюу пландаштырылган Кытай-Борбордук Азия форматында соода-экономикалык кызматташтыкты чыңдоо боюнча документтердин долбоорлорун жактырылды.
