Кыргызстанда бюджеттин эсебинен 13 балага технологиялык протез кол коюлду
Кыргызстанда 13 балага "Киби" протездери бекер жасалды. Бул тууралуу Республикалык протездик-ортопедиялык буюмдар мекемесинен билдиришти.
Белгиленгендей, протездерди жасоого мамлекеттик бюджеттен 1,8 миллион сом бөлүнгөн.
Протездерди Республикалык протездик-ортопедиялык буюмдар мекемесинин протез-техниктери россиялык "Моторика-Сколков" компаниясынын тетиктеринен жасашкан, деп айтылат маалыматта.
Мекеменин директору Ализа Солтонбекованын айтымында, бала "Киби" протезин дене-мүчөсү катары сезет. Протездер ден-соолуктагы көйгөйлөрдү алдын алат.
Ал кошумчалагандай, "Киби" – бул электроникасыз иштеген жана сууда да иштеген протез.
Заманбап протезди жасоого биринчи кадам 2022-жылдын август айында "Моторика" компаниясы, Орус-Кыргыз өнүктүрүү фонду жана Республикалык протездик-ортопедиялык мекеменин ортосунда үч тараптуу келишимге кол коюу менен жасалган.
Бүгүнкү күндө протезге 311 адам каттоодо турат, алардын 26сы балдар.
