Алгачкы жолу Даун синдрому бар Барби куурчак жарыкка чыкты
Америкалык Mattel оюнчуктар компаниясы Улуттук Даун синдрому коому (NDSS) менен биргеликте жасалган Даун синдрому бар Барби куурчагын көрсөттү. Бул тууралуу компаниянын сайтында маалымдалган.
Куурчактын жүзү жана денеси Даун синдрому менен ооруган адамдарга мүнөздүү өзгөчөлүктөргө ээ. Компания оюнчук медициналык адис тарабынан текшерилгенин белгилейт. Жаңы Барби көйнөккө ылайыктуу кызгылт түстөгү ортопедиялык Даун синдрому бар балдар колдонгон сыдырма кроссовкаларды кийет, анткени аларды кийүүгө жана чечүүгө оңой.
Куурчактын кийиминде синдромдун символдору да бар: көйнөктөгү көпөлөктөр, кийимдин көк-сары гаммасы синдромду түшүндүрөт. Кошумчалай кетсек, Барбинин кызгылт чынжырчасында 21 жуптан турган үч хромосоманы көрсөткөн үч жебе түрүндөгү кулон бар (Даун синдрому деп аталган генетикалык патология, адатта 21 жуп эки хромосома менен көрсөтүлөт). Жебелер жогору карай багытталган, бул куурчактын сүрөттөлүшүнө ылайык көтөрүлүүнү жана алдыга жылууну билдирет.
Куурчак 2009-жылы пайда болгон Fashionista инклюзивдик коллекциясынын бир бөлүгү катары түзүлгөн. Бул коллекцияда башка инклюзивдик куурчактар камтылган: майыптар коляскасындагы кара Барби, протез буту жана угуу аппараты бар Барби, витилиго менен ооруган Кен жана башкалар.
Mattel бул куурчакты жаратуунун максаты - оюн аркылуу социалдык стигмага каршы туруу экенин айткан.
"Биздин максат – аталган синдрому бар балдарга өздөрүн Барби аркылуу көрүүгө шарт жана өзүндөрүнө окшош эмес адамдарды куурчактар аркылуу таануу", - деп айтылат компаниянын билдирүүсүндө.
