Бишкекте басып алынган жерлерге берилген техникалык паспорттордун саны айтылды
2023-жылдын апрель айынын аягына карата Бишкек шаарында мыйзамсыз басып алынган жерлерге 10744 техникалык паспорт берилген. Маалыматты "Кадастр" мамлекеттик мекемесинин басма сөз кызматынан билдиришти.
Белгиленгендей, мындай документтердин көбү Бишкектин Биринчи Май районунда – 4859, Свердлов районунда – 3006, Ленин районунда – 2392, Октябрь районунда – 487 берилген.
Мекемеден техникалык паспортту берүү мыйзамдаштырууга укук бербей турганын эске салат.
Кандай участоктордо менчик укугу катталат?
- өзүм билемдик менен курулган жеке турак жайлар;
- жергиликтүү өз алдынча башкаруунун ыйгарым укуктуу органдары же жергиликтүү өз алдынча башкаруунун тиешелүү органдары болуп саналган кызматтардын трансформациялоо жөнүндө тиешелүү чечими;
- айыл чарба өндүрүшүндө колдонууга жараксыз аянттар;
- бөлүнгөн жер үлүштөрүнө айыл чарба багытындагы жеке менчик укугуна мамлекеттик актылардын болушу;
- багбанчылык.
Ошол эле учурда Кыргызстанда уруксатсыз курулган жерлердин баары мыйзамдаштырылбай турганы белгиленет. "Электр чубалгылары, газ түтүктөрү өткөн жерлерге, мүрзөлөрдүн жанына, таштанды төгүүчү жайлардын жана суу каптоо коркунучу бар участокторго курулган үйлөр бар. Жалпысынан мындай участоктор 2000 гектардан ашык жерде жайгашкан. Атайын мыйзам долбоору иштелип чыгууда, бул жагдайды жөнгө салат", - деп айтылат маалыматта.
Башкы беттеги сүрөт иллюстрациялык: Sputnik.
