Мыйзам көчүргөн аткаминер. Садыр Жапаров Мурат Укушовду "Манас" ордени менен сыйлады
5-майда президент Садыр Жапаров Кыргызстандын Конституциясынын 30 жылдыгына арналган салтанаттуу иш-чарага катышты.
Президенттик аппараттын басма сөз кызматы билдиргендей, иш-чара конституциялык өнүгүү тарыхын чагылдырган фильмди көрсөтүү менен башталды.
Жапаров сөз сүйлөп, Кыргызстандын конституциялык мамлекеттин түзүлүшүндө зор салым кошкон көрүнүктүү мамлекеттик ишмерлерин белгилеп, мамлекеттик сыйлыктарды тапшырды.
Ага ылайык, Кыргыз Республикасынын конституциялык негиздерин реформалоого кошкон зор салымы жана жемиштүү мыйзам чыгаруу ишмердиги үчүн III даражадагы "Манас" ордени менен президенттик аппараттын укуктук камсыздоо бөлүмүнүн башчысы Укушов Мурат Каниметович сыйланды.
Кыргыз Республикасынын сот тутумундагы көп жылдык үзүрлүү эмгеги жана конституциялык көзөмөлдү ишке ашырууга кошкон салымы үчүн "Кыргыз Республикасынын эмгек сиңирген юристи" наамы төмөндөгүлөргө ыйгарылды:
- Конституциялык соттун төрагасынын орун басары Дүйшеев Карыбек Арстанбекович;
- Конституциялык соттун судьясы Жумабаев Латип Пазылович;
- Конституциялык соттун судьясы Мээргүл Рыскулбековна Бобукеева Кыргыз Республикасынын Ардак грамотасы менен сыйланды.
Эске салсак, Мурат Укушов ММКлар жөнүндөгү мыйзамга өзгөртүү киргизүүнү демилгелеген. Журналисттер ал документтин концепциясын Россия Федерациясынын дипломдук ишинен көчүрүп алганын аныкташкан.
