Таласта тигүү фабрикасын курууда мамлекетке 7 млн сом зыян келтирилген
УКМК тарабынан Талас шаардык мэриясынын жана Талас облусун өнүктүрүү фондунун кызмат адамдары тарабынан тигүү фабрикасын куруу үчүн атайылап пайдасыз келишим түзүү фактысы боюнча кылмыш иши козголду. Бул туурасында коопсуздук комитеттен билдиришет.
Тергөөнүн жүрүшүндө Талас облусун өнүктүрүү фондунун алдындагы Байкоочу кеңеши Талас шаарында тигүү фабрикасын куруунун долбоордук-сметалык документтери жана максатка ылайыктуулугу боюнча корутундулары жок, жалпы суммасы 82 миллион сомдук долбоорду мыйзамсыз жактырып, долбоордун иш жүзүндөгү наркын жасалма түрдө жогорулатып бекитип берген. Акчанын бир бөлүгү - 25 миллион сом "Ника KG" курулуш уюмунун эсебине мөөнөтүнөн мурда которулганы аныкталды.
Учурда кызмат адамдарын жоопкерчиликке тартуу боюнча тиешелүү ыкчам-иликтөө иш-чаралары жүргүзүлүүдө.
