Чычкан капчыгайында жигиттин сөөгү табылган. Шектүү катары эжеси жана курулушчу кармалды
Чычкан капчыгайында 23 жаштагы жигиттин сөөгү табылды. Бул туурасында Kaktus.media сайтына күч түзүмдөрүнөн билдиришти.
Жалал-Абад ОИИБден кылмышка шектүү кармалганын билдиришип, окуя тууралуу буларды айтып беришти.
3-майда саат 09:00 чамасында милицияга билдирүү түшкөн. Анда Чычкан капчыгайындагы кафелердин биринде жигиттин сөөгү секиден табылганы кабарланган. Кийинчерээк жигиттин өлүмүнө шектелип 1991-жылы туулган М.Ж. жана 2003-жылы туулган Ж.Б. кармалган.
Kaktus.media сайтына өздүк булактар билдиришкендей, М. Ж. каза болгон жигиттин бир тууган эжеси болот. Ал эми Ж.Б. алардын үйүндө курулуш иштерин жасап жүргөн. М.Ж. менен Ж.Б`нын ортосундагы интимдик катнаш болгон имиш. Кыздын иниси бул тууралуу ата-энесине айтам деп коркуткан.
"Жигит уктап жатканда өлтүрүлгөн. Анын башына белгисиз нерсе менен бир нече ирет чапкылашкан", - дешет өздүк булактар.
Башкы беттеги сүрөт иллюстрациялык.
