Жактоочу: Равшан Жээнбековдун жубайы тез арада ооруканага жаткырылышы керек
Равшан Жээнбековдун жубайы Салкынай Алимбаеванын ден соолугу начар болгондуктан, эс-учун жоготуусунан улам тез арада ооруканага жаткырылышы керек. Бул тууралуу Kaktus.media сайтына анын жактоочусу Гуляна Убалиева билдирди.
"Аны ИИМдин поликлиникасына алып барышты. Алар чындап эле уйку безинде таш бар экенин аныкташты, ИИМдин поликлиникасынын дарыгери Салкынайдан диетаны катуу кармоону, стресстен жана мүмкүн болушунча приступтан (эсин жоготуп жыгылуу) алыс болууну өтүндү. Себеби, ал ичегилерге таасирин тийгизет.
Буга чейин эле ийгиликсиз операция болгон. Эстен танып жыгылышы, аны болтурбоо үчүн аракет кылуу керек. Тез арада ооруканага жаткыруу талап кылынышы мүмкүн жана бул учурда кайсы дарыгерге кайрылары белгисиз.
Дарыгердин айтымында, мүмкүн болушунча ал өзүнө кам көрүүсү керек. Эстен тануу коркунучу бар", - деди ал.
Эске салсак, 25-майда УКМК кызматкерлери Равшан Жээнбековдун жубайы Салкынай Алимбаеваны камакка алышкан. Колдо болгон маалыматтарга караганда, ал Бишкек шаарындагы жер тилкелерин мыйзамсыз ыйгарып алган деп шектелүүдө.
26-майда Бишкектин Биринчи Май райондук соту Алимбаеваны эки айга камакка алуу чечимин чыгарган. Ал 24-июлга чейин УКМКнын СИЗОсунда болот.
Равшан Жээнбеков өзү учурда Кемпир-Абад окуясы боюнча Бишкектеги СИЗО-1де. Ал президент Садыр Жапаровду үй-бүлөсүн жана жакындарын куугунтуктоону токтотууга чакырды.
