Депутаттар кезексиз жыйында жаңы суу кампаларын куруу маселесин карашат
Депутат Марлен Маматалиев Жогорку Кеңешке жаңы суу топтоочу кампаларды курууга каражат бөлүү маселесин биринчи кезекте кароону сунуштады.
Депутат дарыялардын башатында туруп, Кыргызстан үчүн суунун кыйынчылыктары кечирилгис экенин айтты. Ал бүгүн, 8-июнда тыныгуу учурунда кесиптештеринен маселени чукул арада кароону өтүндү.
"Кечээ жыйында мөңгүлөр эрибейт деп айтышты. Бирок колдон келгендин баарын кылышыбыз керек да. Маалым болгондой, мэрия эки жылдан бери министрлер кабинетине курулушка каражат жана жер бөлүп берүү өтүнүчү менен кайрылган. 100 миллион сом, төрт участок керек болуп жатат, кечээ эле капиталдык салымдарга 10 миллиард бөлүүнү бекиттик, 100 миллион сом да табылбайбы?" - деди депутат.
Жыйынтыгында бул маселени тиешелүү комитеттин бүгүн, 8-июндагы кезексиз жыйынында кароо чечими кабыл алынды.
Күн ысыганы - Бишкекте ичүүчү суу маселеси пайда болду. Айрым райондордо суу түнкүсүн берилбей эле. Шаар бийлиги бассейндердин, мончолордун жана унаа жуучу жайлардын иштешине тыюу салып, ишкерлер менен жарандардын нааразычылыгы пайда болду
Бийлик акыркы жылдары, өзгөчө жай мезгилинде калкты ичүүчү суу менен камсыздоо көйгөйү турак жайларда гана эмес, бүтүндөй Бишкек шаарында да курчуп кеткенин түшүндүрүүдө.
