Францияда өспүрүмдүн өлүмүнөн кийин бир нече шаарларда нааразычылык акциялар башталды
Париждин чет жакасында өспүрүмдү баш ийбегендиги үчүн полиция өлтүргөндөн кийин нааразылык акциялары башталганын Le Monde жазды.
Окуя 27-июнда эртең менен Нантер шаарында болгон. 17 жаштагы бала полициянын текшерүүсүнүн алкагында унаасын токтотуудан баш тартып, натыйжада атып өлтүрүлгөн.
Окуядан бир нече саат өткөндөн кийин социалдык тармактарда полициянын аракеттерине каршы чакырыктар тарай баштады.
Түн киргенде Нантердин көчөлөрүндө тополоң башталды. Айрым жарандар тосмолорду жана таштанды челектерин өрттөп, аялдаманы талкалашкан. Маркумдун үйүнүн жанына да эл чогулган.
Мындан тышкары, алар милиция кызматкерлерине петардаларды, таштарды жана күйгүзүүчү аралашмаларды ыргыта башташкан, ага укук коргоо кызматкерлери көздөн жаш агызуучу газ менен жооп беришкен, натыйжада бир адам көзүнөн жаракат алган. Шаар жетекчилигинин айтымында, митингчилер үч унааны да өрттөшкөн. Нааразылык акциясы өтүп жаткан жерге атайын реакциялык бөлүмдөр чакырылган.
Бир аз убакыттан кийин башка шаарларда нааразылык акциялары башталды. Ошентип баш аламандык Сюренде, Асньер-сюр-Сенде, Женневильеде, Ла-Гарин-Коломбада жана Вильневде болуп жатат.
