Москвада кыргыз, өзбек жана тажик жарандары катышкан массалык мушташ болду
Москвада бир нече өлкөдөн келген мигранттардын ортосунда массалык мушташ болду.
Бул тууралуу маалымат 27-июнда Baza Telegram каналында жарыяланды. Маалым болгондой, мушташ "Легендарный квартал" турак-жай комплексинин курулушунда болгон. Мушташка 18 адам катышкан.
Бул окуя боюнча КР Тышкы иштер министрлиги комментарий берди. Ведомстводон билдиришкендей, мушташ 26-июнда болгон. Ишти аткарууда подряддык уюмдардын кызматкерлеринин ортосунда өндүрүштүк ишмердүүлүктөн улам чыр-чатак чыккан. Мушташка айланган жаңжалга 18 адам катышкан.
Натыйжада соттун чечими менен чет өлкөлүк жарандарга 5000ден 5500 рублга чейин айып салынды.
Айып салынган адамдар:
- Өзбекстандын бир жараны;
- Тажикстандын үч жараны;
- Кыргызстандын үч жараны.
Кошумчалай кетсек, мушташка аралашкан мигранттарга Россия Федерациясынын Кылмыш-жаза кодексинин 111-беренесинин 1-бөлүгү менен кылмыш иши козголгон. Элчилик Кыргызстандын жарандарына керектүү консулдук-укуктук жардам көрсөтүү максатында окуянын чоо-жайын иликтеп жатат.
