Бишкекте айдоочу кинорежиссёрду сүзүп, ал мүрт кетти
Бишкектин Жибек Жолу жана Панфилов көчөлөрүнүн кесилишинде айдоочу жөө адамды сүзүп кетти.
Милициянын кайгуул кызматынын маалыматы боюнча, Hyundai Santa Fe унаасын 30 жаштагы жаран айдап бара жаткан, ал жөө адамдар өтүүчү тилкеден 75 жаштагы эркек кишини сүзүп кеткен.
Жол кырсыгы боюнча тергөө иштери жүрүп, унаа айып короосуна токтотулду.
Ал эми медиаэксперт Елена Баялинова социалдык тармактагы баракчасына каза болгон киши кинорежиссёр Михаил Дудников болгонун жазды.
"Көңүл айтабыз. Кечээ 75 жаш курагында "Кыргызтелефильмдеги" мурдагы кесиптешим, кинорежиссёр Михаил Дудников кырсыктан каза болду. Аны жөө жүргүнчүлөр өтүүчү жерден унаа сүзүп кетти", - деген Баялинова.
Анын айтымында, Михаил Дудниковду "Эртеңкиге сабак", "Чоочун адам", "Эртең ким себет?", "Экскурсия" даректүү тасмалары менен кино сүйүүчүлөрдүн эсинде калды.
