Бишкекте ижарачы үйдүн улгайган кожойкесин сабап өлтүргөн
Ысык-Көл облусунун тургуну батирдин ээсин өлтүргөн деп айыпталып, 15 жылга эркинен ажыратылды. Өкүм Жогорку Соттун сайтында жарыяланды.
Аты-жөнү өзгөртүлдү.
Өкүмдө айтылгандай, айыпталуучу Самат борбор калаадагы үйлөрдүн биринде ижарага алган батирде убактылуу жашап келген. Кечинде башка батирдин жашоочусу менен чогуу ичип отурушканда үйдүн кожойкеси Зинаида келип калган. Самат менен аялдын ортосунда оозеки чыр чыккан. Жаңжал учурунда Самат Зинаиданын бетине бир нече жолу муштум менен урган. Аял жерге кулап, эсин жоготкон. Ал "Тез жардам" кызматын чакырып, бирок жабырлануучу эсине келбей каза болгон.
Райондук сот Саматты 15 жылга эркинен ажыратып, ал жалпы режимдеги түзөтүү колониясына кесилген.
Өкүмгө макул болбогон айыпталуучунун жактоочусу апелляциялык арыз менен кайрылып, биринчи инстанциядагы сот жазаны жеңилдетүүчү жагдайларга көңүл бурбаганын, ошондой эле "айыпталуучу кылмышты өзү эмне кылып жатканына жооп бере албаган абалда жасаган", "жабырлануучу айыпталуучуну кылмыш жасоого чейин алып барган" деген.
Самат өзүнө коюлган айыптар боюнча күнөөсүн жарым-жартылай мойнуна алып, Зинаиданы атайылап өлтүргөнүн айтып, ага коюлган жазаны жеңилдетүүнү суранган.
Күбөнүн айтымында, кылмыш болгон күнү Зинаиданын уулу анын жанына чуркап келип, апасы жыгылып кеткенин айткан. Ижарачылар жашаган бөлмөдө күбө жерде жаткан улгайган аялды көргөн. Ал араң дем алып жаткан.
Бишкек шаардык сотунун коллегиясы бул кишини 15 жылга эркинен ажыратуу өкүмүн күчүндө калтырды.
