Келтирилген зыян 10 миллион сомдон ашык. Каржы пирамидасын уюштурууга шектү аял кармалды
Сокулук районунда каржы пирамидасын уюштурууга шектелген жаран кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.
Белгиленгендей, буга чейин үстүбүздөгү жылдын июнь айынын аягында Сокулук районунун ИИБге Күн-Туу айылынын тургуну А.Ж кайрылып, А.га карата чара көрүү өтүнүчүн айткан. Шектүү бир нече WhatsApp топторунун администратору болуп, салынган акчадан тез арада киреше алууну убада кылган. Ошентип, милициянын маалыматы боюнча, ал 187 миң сомго ээлик кылып алган.
Шектүү тарабынан түзүлгөн топтордун мүчөлөрү жөнөкөй жарандар, пенсионерлер экени белгилүү болду. Аларга буга чейин арыздар түшүп, келтирилген зыяндын көлөмү 10 миллион сомдон ашкан.
Көп өтпөй полиция аялдын өздүгүн аныктады. Ал Бишкек шаарынын 1985-жылы туулган тургуну Ж.А. кармалып, убактылуу кармоочу жайга киргизилди.
Милиция Ж.А.нын аракеттеринен жабыркагандар Сокулук РИИБине же 03134 5 33 80, 0706 36 00 06, 0552 36 00 06 (WhatsApp), 0700 34 3803 номурларына кайрылууну өтүнөт.
