Биринчи (гей) кумса-президент: Эдгар Ринкевич Латвиянын башчылыгына киришти
Эдгар Ринкевич Евробиримдиктин гомосексуал экенин ачык жарыялаган биринчи мамлекет башчысы болду, деп билдирет Deutsche Welle.
Сеймдеги инаугурациясынан кийин Эдгар Ринкевич Даугава дарыясынын жээгиндеги президенттин резиденциясы болгон Рига сепилинин ачкычын алды. Экс-тышкы иштер министри 31-майда президент болуп шайланган.
Ант бергенден кийин сүйлөгөн сөзүндө Ринкевич Латвияда инклюзия жана теңдик үчүн күрөшө турганын айтты.
"Латвиядагы ар бир адам, анын жарандары өзүнүн тиешелүүлүгүн, укуктук жактан корголушун жана коопсуздугун сезиши керек", - деди ал.
49 жаштагы президент 2011-жылдан бери Латвиянын башкы дипломаты болуп иштеп, Россиянын агрессиясына каршы Украинаны көптөн бери колдоп келген. Май айында парламент Ринкевичти президенттик кызматка түрдө шайлаган, андан мурунку президент Эгилс Левиц экинчи мөөнөткө талапкер болбой турганын айткан.
Ошентип, ал Евробиримдикке мүчө мамлекеттин биринчи ачык кумса - мамлекет башчысы жана биринчи ачык кумса - президенти болуп калды. Латвиянын Тышкы иштер министрлигинин мурдагы башчысы 1991-жылдан кийин Балтика өлкөсүнүн жетинчи президенти болуп калганы белгиленген.
