Энергетика министрлиги көмүрдү сыртка ташууга убактылуу чектөө киргизүүнү сунуштады
Энергетика министрлиги Кыргызстандан көмүр ташып чыгууга убактылуу тыюу салууну сунуштоодо.
Коомдук талкууга жарыяланган токтом долбооруна ылайык, министрлик көмүрдү (ЕАЭБ ТН ВЕД 2701 жана 2702 коддору боюнча классификацияланган) республиканын аймагынан ("Эркечтам" жана "Торугарт" автомобиль өткөрүү пункттарынан тышкары) автомобиль транспорту менен ташып чыгууга сегиз айга тыюу салууну сунуштоодо.
Документ күчүнө киргенден кийин үч күндө Энергетика министрлиги Дүйнөлүк соода уюмуна жана Евразия экономикалык комиссиясына тыюу салуу жөнүндө, ал эми Тышкы иштер министрлиги КМШнын аткаруу комитетине билдирүүгө милдеттүү.
Кыргыз Республикасынын Транспорт жана коммуникациялар министрлиги, Мамлекеттик бажы кызматы жана Улуттук коопсуздук мамлекеттик комитети көмүрдү сыртка чыгарууга жол бербөө боюнча зарыл чараларды көрүшү керек.
Чектөөлөр "Кыргызкөмүр" мамлекеттик ишканасына көмүрдү Кыргыз Республикасынын мамлекеттик чек арасынын өткөрүү пункттары аркылуу автомобиль транспорту менен ташып чыгууда жайылтылбайт.
2023-2024-жылдардын күз-кыш мезгилинде калк жана бюджеттик мекемелер үчүн көмүрдүн тартыштыгы жана баасынын жогорулашына жеке жоопкерчилик президенттин облустардагы ыйгарым укуктуу өкүлдөрүнө, жергиликтүү мамлекеттик администрациялардын башчыларына, айыл өкмөт башчыларына жүктөлөт.
Жарлыктын аткарылышын президенттин жана министрлер кабинетинин чечимдеринин аткарылышын көзөмөлдөө бөлүмүнө жүктөлөт.
Башкы беттеги сүрөт иллюстрациялык: bnews.kz.
