Кара-Балта шаарында белгисиз адамдар бир партиянын лидеринин машинесине ок атышкан
Кара-Балта шаарында белгисиз адамдар бир партиянын лидеринин машинесине ок атышкан. Бул тууралуу Kaktus.media редакциясына күч структураларынан билдиришти.
Чүй облусунун ИИБси берген маалыматка ылайык, 20-апрелде, болжол менен эртең мененки саат 07:52де Жыйыл облусунун ОИИБсине жергиликтүү жашоочу Б.Н.дин үйүнүн короосунда токтоп турган унаасына белгисиз адамдар келип, ок атышкан деген билдирүү келип түшкөн.
Милицияга арызы менен 1976-жылы туулган Б.Н. кайрылды. Анын айтымында, өткөн түнү болжол менен саат 03:30да анын "Тайота Камри" унаасына белгисиз адамдар эки ирет ок атышкан. Бул факт КРди Жазык кодексинин "Бейбаштык" беренеси боюнча КЖБРге катталып, ИИМдин жана Чүй облусунун ШИИБсинин жетекчилеринин көзөмөлүндө болот.
Белгилей кетсек, Б.Д - бул Назми Бадалов - "Элдик" саясий партиясынын лидери, Кара-Балта шаардык кеңешинин учурдагы депутаты.
