Мбаппени ПСЖдан чыгаруу чечими айыпталды. Клуб аны "сыр чечими" үчүн сатууну көздөгөн
Футболчулар союзу ПСЖдан чыгарылган чабуулчу Мбаппени коргоого үндөдү деп жазат Tengri Sport Gazeta басылмасына шилтеме берүү менен.
Профессионал футболчулардын улуттук биримдиги (UNFP) ПСЖнын чабуулчусу Килиан Мбаппенин оюндан четтетилишине байланыштуу футболчуларды клубдардан чыгаруу практикасын айыптап, чабуулчуну колдоорун билдирип, мындай нерсеге жол берген ар бир клубга мыйзамдуу чара көрүү укугуна ээ экенин баса белгиледи.
"Мисалы, жумушчуну жумуштан кетүүгө мажбурлоо же жумуш берүүчү каалаган нерсеге макул кылуу үчүн эмгек шарттарын начарлатып, кысым көрсөтүү моралдык куугунтук жана бул француз мыйзамдарын бузуу болуп саналат", - деп белгилешти профсоюз уюму.
Буга чейин футбол инсайдери Фабрицио Романо ПСЖнын жылдыз чабуулчусу Килиан Мбаппени трансферге койгонун айткан.
21-июлда ПСЖнын жетекчилиги чабуулчу Мбаппени Япониядагы сезон алдындагы турнеге катышуудан четтетти. L'Équipe басылмасынын маалыматына караганда, буга чабуулчунун кийинки жайда эркин агент катары Реал Мадридге өтүү боюнча "жашыруун келишимге" кол койгону себеп болгон.
Билдирме UNFP расмий сайтында жарыяланды.
