"Батуми" кафеси эмне болду жана вице-мэр келтирилген чыгымды төлөп бердиби?
2023-жылдын 24-майында Бишкектин вице-мэри Нурдан Орунтаев башка бийлик өкүлдөрү менен бирге Жал кичи районундагы "Батуми" кафеси бузула турганын билдирген.
Кафенин бир бөлүгү бузулуп, бирок ызы-чуудан кийин, иштер токтотулган. Андан соң кырдаалга УКМКнын башчысы Камчыбек Ташиев кийлигишип, ал келип, бузулуп жаткан жер менен таанышкан
Ушул эле күнү УКМК мэриянын жооптуу кызматкерлерине иш козгоп, Орунтаев өзү 3 миллион сомдон ашык зыяндын ордун толтурууну убада кылган.
Адвокаттар жана кафенин ээси журналисттер менен сүйлөшүүдөн баш тартышууда.
Кафе азыркы убакта жабылып турат.
Вице-мэр Нурдан Орунтаев менен байланышууга мүмкүн болгон жок.
Орунтаев ага келтирилген чыгымды төлөй электигин Kaktus.media булактары жазып чыкты. Маалым болгондой, Бишкек мэриясы менен кафенин кожоюну ынтымакка келүү аракетин көрүп, аларга "Батуми" кафеси жайгашкан "Жалдагы" конушундагы жер тилкесинин ордуна башка бир жер тилкесин бөлүп берүүгө даяр.
Белгилей кетсек, жакында УКМКга Бишкек шаардык ички иштер башкы башкармалыгынын кылмыш иликтөө башкармалыгынын башчысы Бакыт Кайыпжанов алынып келинген. Ал "Батуми" кафесинин ээсинин уулу.
Бишкек ШИИББинин дагы бир тергөөчүсү опузалап акча талап кылган деген шек менен кармалган. Кайыпжанов аталган иште күбө катары сурак берүүдө.
