Казакстан Кыргызстан Жамбыл облусуна сугат суусун берүүнү токтотконун билдирди

Кыргызстан август айында Казакстандын түштүгүндөгү Жамбыл облусуна сугат суусун берүүнү токтотуп, аймактагы эгиндерге коркунуч жараткан. Бул тууралуу Казакстандын Экология жана жаратылыш ресурстары министрлигинин басма сөз кызматы билдирди.

Казак агенттигинин маалыматы боюнча, үстүбүздөгү жылдын 9-августуна карата Талас дарыясынын бассейниндеги Киров суу сактагычынын көлөмү 32,48 миллион кубометрди түзүп, өткөн жылдын ушул мезгилине салыштырмалуу (177,28 миллион кубометр) 144,8 миллион кубометрге азайган. ).

"Талас дарыясында 2022-жылдын графигине ылайык, август айында Казакстандын суроо-талабы секундасына 45 куб метрди түзсө, иш жүзүндө суу берилбей эле - 0 куб метр. Учурда Кыргызстандын Таластагы тиешелүү кызматы менен суу сактагычтан секундасына 5 куб метрден кем эмес суу берүү жөнүндө сүйлөшүүлөр жүрүп жатат", - деп айтылат маалыматта.

Мекеменин маалыматына караганда, Казакстандын түштүк аймагынын бир катар аймактарында сугат суусу тартыш болуп, "Киров суу сактагычынан суу келбегендиктен 4 миң гектарга жакын пияз жана кант кызылчасы коркунуч алдында турат".

Казакстандын тиешелүү министрлигинин жетекчисинин орун басары Галидулла Азидуллин учурда пайда болгон көйгөйлөрдү чечүү үчүн Жамбыл облусунда жүрөт.