Камчы Көлбаевдин иши мөөнөтү өткөндүгүнө байланыштуу токтотулду
Кримтөбөл Камчыбек Асанбекке (Камчы Көлбаев) козголгон кылмыш иши токтотулду. Бул тууралуу Kaktus.media сайтына укук коргоо органдарынан билдиришти.
Алардын айтымында, Камчыбек Асанбектин кылмыш жоопкерчилигине тартуу алты ай мурун иштин мөөнөтү өткөндүгүнө байланыштуу токтотулган.
Тергөөчүлөрдүн айтымында, Камчыбек Асанбек Казакстанда трансулуттук кылмыштуу уюм түзүүгө шектелген. Бирок кылмыш 2007-2009-жылдары жасалгандыктан аны кылмыш жоопкерчилигине тартууну мөөнөтү өтүп кеткен. Буга байланыштуу УКМК кылмыш ишин тергөөнү токтотту.
Эске салсак, Камчы Көлбаев 2020-жылдын 21-октябрында кылмыштуу уюм түзгөн же ага катышкан деп кармалган. Бишкек шаардык сотунун чечими менен ал эч жакка чыкпоо келишими менен бошотулган. УКМК Көлбаевдин баш коргоо чарасы өзгөртүлгөнүн түшүндүрдү. УКМК муну Камчыбек Көлбаевге карата УКМК тергеп жаткан дагы бир кылмыш ишинин алкагында - 250 миллион сомдон ашык суммадагы кылмыштуу кирешелерди легалдаштыруу фактысы менен түшүндүрдү. Анын жакындары депозиттик эсепке 49,6 миллион сом салган.
