Жаза аткаруу кызматы Улан Токтосуновдун (Сакал) эмне үчүн Нарындан которулганын түшүндүрдү
Сакал каймана аты бар Улан Токтосуновду Нарындан Бишкекке эмнеге которуп жатканын Жазаларды аткаруу кызматынын басма сөз кызматы Kaktus.media сайтына билдирди.
Белгиленгендей, 2016-жылдын 22-декабрында Биринчи Май райондук сотунун өкүмү менен 1978-жылы туулган Токтосунов Улан Акмолдоевич 17 жылга эркинен ажыратылып, жазасын Нарын шаарындагы №24 күчөтүлгөн тартиптеги түзөтүү колониясында өтөөдө.
Аталган кызмат Токтосуновду башка колонияларга жайгаштыруу үчүн Бишкектеги СИЗО-1ге которуу керектигин билдирди.
"Кыргыз Республикасынын жазык-аткаруу мыйзамдарынын ченемдерине ылайык, СИЗО-1 эркиндигинен ажыратуу жазасын өтөп жаткан жерге (түзөтүү мекемесине) жөнөтүлүүгө тийиш болгон соттолгондор үчүн транзиттик бөлүштүрүүчү борбордун функцияларын аткарат. Жаза аткаруу кызматынын атайын комиссиясынын чечими менен аныкталат.
Бул жагдайды түшүндүрүү үчүн Бишкек шаарындагы Жазаларды аткаруу кызматынын имаратынын жанына массалык түрдө чогулган Токтосуновдун жакын туугандарынын үч өкүлү менен аталган кызматтын Аскердик башкармалыгынын төрагасынын биринчи орун басарына полковник К.А.Садыков которуу иштерин жүргүзүүнүн жол-жоболорун жана башка маселелерди түшүндүрүү иштерин жүргүздү", - деп айтылат маалыматта.
