Клипмейкер Эрнист Сыдыков жубайы менен ажырашканын ачыктады
Белгилүү клипмейкер Эрнист Сыдыков жубайы Кымбат Асизова менен ажырашканын ачыктады. Ал жеке жашоосу тууралуу "Супер-Инфо" гезитине маек курган.
Сыдыков маегинде жубайы менен эки ажырым жолго түшкөнүнө 1 жыл болгонун айтат. Ошондой эле 3 баласы жубайында калганын, аларга алимент төлөп жатканын белгилеген.
Клипмейкер ажырашуусунун себебин - жубайлар бири-бирин укпай калганда үй-бүлө бузулат экен деп түшүндүргөн.
Өз кезегинде Кымбат Асизова Инстаграмдагы баракчасы аркылуу мурдагы жолдошунун айткандарына жооп кылган.
"Кеп - тилди угуп же укпаганда эмес, акчада дагы эмес! "Дудукка да тил бүтөт" деген сөз бар кыргызда. Аял бекеринен ажаан болбойт, ошого жеткиришет. Жакшы адамдан адам кетпейт. 3 балага 12 миң сом алимент чоң деле акча эмес", - деген Азисова.
Белгилесек, Кымбат Асизова "Көк салкын" тасмасына тартылып, актриса катары таанылган.
