Лукашенко чет өлкөдөгү беларустарга паспорт берүүгө тыюу салды
Беларустун дипломатиялык өкүлчүлүктөрү мындан ары республиканын чет өлкөлөрдө жашаган жарандарына паспорт бербейт. Тиешелүү жарлык Александр Лукашенконун сайтында жарыяланганын "Зеркало" билдирди.
Басылманын маалыматына караганда, эми өлкөдөн тышкары туруктуу жашаган жана консулдук каттоодо турган белорустар паспортту "жашаган жери боюнча акыркы катталган жери боюнча ички иштер органдарында" гана ала алышат же алмаштыра алышат. Мындан тышкары жарлык дипломатиялык өкүлчүлүктөрдүн чет өлкөдө жүргөн жарандардын паспортторунун мөөнөтүн узартуу укугунан ажыратат.
Документте ошондой эле чет өлкөдө туруктуу жашаган адамга биометрикалык паспорт Тышкы иштер министрлиги же Ички иштер министрлиги тарабынан берилери жазылган. Алар биометрикалык паспортторду алмаштыруу менен да алектенет. Буга чейин бул дипломатиялык өкүлчүлүктөр же консулдук мекемелер тарабынан ишке ашырылчу.
