Компаньон тиркемесиндеги депозиттер: чендер жылдык сом менен 16% га чейин көтөрүлдү
Компаньон Банкы онлайн-депозиттер боюнча чендерди жогорулатат. Мындан ары "Компаньон" тиркемесинен аманаттар боюнча сом менен жылдык 16%га чейин алууга болот.
Депозит деген эмне?
Жөнөкөй сөз менен айтканда, бул сиз банкка сактоого өткөрүп берген жана инвестициялардан кошумча киреше алган акчаңыз. Пайыздык чен канчалык жогору болсо, топтолгон акчаңыз ошончолук көп болот! Муну менен сиз чогулткан каражатыңызды көбөйтүү менен гана чектелбестен, каржылык "коопсуздук жаздыгын" да камсыздай аласыз.
Компаньон Банкынын кардарларынын депозиттери ишенимдүү коргоого алынган жана Депозиттерди коргоо боюнча мамлекеттик агенттик тарабынан камсыздандырылган. Бул уюм банктын бардык депозиттерин камсыздандырат жана кепилдик учуру келип чыккан учурда 1 млн.сомго чейин компенсация төлөйт.
Депозиттин кайсы түрүн тандап алуу керек?
Бардыгы сиздин мүмкүнчүлүктөрүңүздөн жана максаттарыңыздан көз каранды. Эгер ири сатып алуу үчүн каражат топтоо же аманат түзүү керек болсо, анда сизге "Топтолуучу" депозити туура келет. Бул толуктоо мүмкүнчүлүгү бар салым болуп саналат. Ал эми максималдуу киреше алуу үчүн "Мөөнөттүү" салымын тандап алуу оң. Мындай салым банкка салган акча каражатыңыздын суммасы түрүндө сакталат жана пайыздар менен бирге толугу менен кайтарылып берилет. Мөөнөттүү аманаттар боюнча акча каражаттарын толуктоого же жарым-жартылай алууга жол берилбейт, бирок пайыздар боюнча кирешени ай сайын алууга болот.
"Топтолуучу" депозитин ачуу учурунда чен 15,5% га чейин, ал эми "Мөөнөттүү" депозити үчүн сом менен жылдык 16% га чейин жогорулаган. Натыйжалуу пайыздык чен 17,21% га чейин. Депозитти 3 айдан 36 айга чейин ачууга болот.
Компаньон мобилдик тиркемесинде депозит ачуу үчүн бир нече жөнөкөй кадамдарды аткарыңыз:
- "Депозиттер" бөлүмүнө өтүңүз;
- "Жаңы депозит ачуу" баскычын басыңыз;
- керектүү депозитти тандаңыз;
- өнүмдүн шарттарын окуп чыгып, "Депозитти ачуу" баскычын басыңыз;
- салымдын суммасын, мөөнөтүн көрсөтүп, "Андан ары" баскычын басыңыз;
- киргизилген маалыматтарды текшерип, депозитти ачууга макулдук бериңиз.
Депозит ачылды. Чогулган каражаттарды "Менин депозиттерим" бөлүмүнөн текшере аласыз.
Эгер сизде "Компаньон" тиркемеси жок болсо, анда сиз аны Play Market же App Storeдон жуктөп алсаңыз болот. Ал эми каттоодон өтүү үчүн банктын кеңсесине баруунун кажети жок, тиркемеде идентификацияны аралыктан жүргүзсө болот.
Депозитти тиркемеде ыңгайлуу убакта каалаган суммага толуктоого болот, ошондой эле комиссиясыз толуктоонун альтернативдүү жолдору да бар:
- интернет-банкингде;
- Компаньон Банкынын терминалдары жана өнөктөш Pay 24, UMAI, Capital Bank, О! Деньги терминалдардан;
- ЭЛКАРТ Мобайл, О! Деньги, Balance, Namba One, PCК Банк, My Halyk электрондук капчыктар жана тиркемелер аркылуу.
Мындан тышкары комиссия төлөө менен жана башка өнөктөш терминал, электрондук капчыктар жана банктык тиркемелер аркылуу толуктоо мүмкүнчүлүгү бар.
Депозитти ачыңыз жана "Компаньон" тиркемеси менен каржылык максаттарыңызга жетиңиз!
Көбүрөөк маалыматты www.kompanion.kg расмий сайтынан, ошондой эле 8800 номери боюнча (КР мобилдик операторлорунун чалуусу акысыз) кардарларды колдоо кызматынан алсаңыз болот.
