Түркияда Кыргызстандын үч жараны бараткан тик учак кулап түштү
Түркиянын Мендерес шаарында Измирге жакын жерде өрт өчүрүүчү тик учак кулап түштү. Бул тууралуу Кыргызстандын Стамбулдагы башкы консулдугунан билдиришти.
Түркиянын Айыл чарба министрлигинин маалыматы боюнча, тик учакта төрт адам болгон - алардын үчөө Кыргызстандын жараны болгон. Кыргызстандын жарандарынын бири тирүү табылды - бул тик учактын учкучу. Ал тез арада ооруканага жаткырылды. Калгандарды издөө иштери уланууда.
Түрк басылмаларынын маалыматына караганда, бул тик учак Измирдеги токой өрттөрүн өчүрүүгө катышкан. Экипаж менен байланыш саат 23:53тө тик учак суу алып жатканда үзүлгөн. Алдын ала маалыматтарга караганда, учак сууга көтөрүлгөндөн кийин Тахтали дамбасына кулап түшкөн.
Башкы консулдуктун кызматкерлери окуя болгон жерге бардык чоо-жайын тактоо жана Кыргызстандын жарандарына бардык керектүү жардамдарды көрсөтүү үчүн барышкан.
