Мелис Аспеков бийликти күч менен басып алууга даярданган деген шек менен кармалды
Мелис Аспеков СИЗОго киргизилди. Бул тууралуу Kaktus.media сайтынын редакциясына укук коргоо кызматкерлери билдиришти.
Алардын айтымында, 29-сентябрда Кыргызстандын Ички иштер министрлигинин тергөө кызматынын кызматкерлери активист Мелис Аспековду бийликти күч менен басып алууга даярданган деген шек менен кармашкан.
Ага айып тагылып, Бишкектин Биринчи Май райондук сотунун тергөө судьясынын чечими менен Аспековго карата баш коргоо чарасы каралып, эки айга СИЗОго камакка киргизилди.
Эске сала кетсек, Мелис Аспековго "Кыргыз темир жолу" ишканасынын экс-директору Василий Дашковдон 250 миң доллар талап кылган жана алдамчылык кылган деп айып тагылган. Ал жети жылга эркинен ажыратылган. Аспеков жаза мөөнөтүн Молдовановкадагы колонияда өтөгөн. Бирок 23-майда ал бошотулган.
