Москва-Бишкек учагы эмне себептен Самарага шашылыш конгону белгилүү болду
Москвадан Бишкекке учуп, Самарага шашылыш конгон Avia Traffic учагынын оң кыймылдаткычында көйгөй болгон. Бул тууралуу Aviaincident Telegram-каналы маалымдады.
"28.10.2023-жылы Москва убактысы боюнча саат 12:25те Москва - Бишкек (MZN M56) багыты боюнча учуп бара жатып, FL340 каттамындагы учак POD DENUD аймагында, PIC оң кыймылдаткычта көйгөй болгонун билдирген, ошондуктан авариялык конуу чечими кабыл алынган", - деп жазат басылма.
Андан соң тиешелүү кызматтарга маалымат берилди. Саат 13:00дө учак аман-эсен конгон. Учактын бортунда 191 адам болгон.
29-октябрда эртең менен учак авариялык конгондон 12 сааттан кийин Бишкекке учуп кеткени белгилүү болду.
"Күтүү учурунда авиакомпания жүргүнчүлөргө федералдык авиация эрежелерине ылайык кызмат көрсөткөн. Жүргүнчүлөрдөн эч кандай даттануулар жана өтүнүчтөр болгон эмес", - деп жазат Интерфакс басылмасы.
