2024-жылдагы дем алыш жана майрам күндөрдүн календары бекитилди

Министрлер кабинетинин төрагасы Акылбек Жапаров 2024-жылдагы дем алыш жана майрам күндөрү боюнча Эмгек, социалдык камсыздоо жана миграция министрлигинин графигин жактырып, токтомго кол койду.

2024-жылдын 1-январынан 7-январына чейин дем алыш күндөрү болуп которулсун:

• 2024-жылдын 8-январындагы дем алыш күнү – 2024-жылдын 2-январындагы иш күнүнө;
• 2024-жылдын 27-январындагы дем алыш күнү – 2024-жылдын 3-январындагы иш күнүнө;
• 2024-жылдын 2-мартындагы дем алыш күнү – 2024-жылдын 4-январындагы иш күнүнө;
• 2024-жылдын 2-сентябрындагы дем алыш күнү – 2024-жылдын 5-январындагы иш күнүнө.

2024-жылдын 21–24-марты дем алыш күндөрү болуп жана 2024-жылдын 8-апрелиндеги дем алыш күнү 2024-жылдын 22-мартындагы иш күнүнө которулсун;

2024-жылдын 2 жана 3-майы дем алыш күндөрү болуп жана которулсун:

• 2024-жылдын 6-майындагы дем алыш күнү – 2024-жылдын 2-майындагы иш күнүнө;
• 2024-жылдын 11-майындагы дем алыш күнү – 2024-жылдын 3-майындагы иш күнүнө.

2024-жылдын 10-апрели – Орозо айт, 2024-жылдын 17-июну – Курман айт дем алыш майрам күндөрү болсун. Муфтияттан редакцияга билдиришкендей, Курман айт менен Орозо айттын так датасы айга карап белгиленет.

Тема боюнча:

Кыргызстандыктар 1-январдан 7-январга чейин эс алышы мүмкүн

Беш күндүк иш графиги боюнча иштеген жеке менчик түрүндөгү юридикалык жактардын жетекчилерине бул токтомдун 1-пунктуна ылайык дем алыш күндөрүн которуу сунушталды. Бул токтом расмий жарыяланган күндөн тартып күчүнө кирет.