"Чыгашасы көп". Акылбек Жапаров "Мамлекеттик лотерея компаниясын" жоюуну сунуштады
Министрлер кабинетинин төрагасы Акылбек Жапаров мамлекеттик ишканалардын жана акционердик коомдордун 2023-жылдагы ишмердүүлүгүнүн жыйынтыктары жөнүндө отчётун укту.
Жыйындын жүрүшүндө Акылбек Жапаров "Мамлекеттик лотерея компаниясы" ишканасынын 2 жылдан бери рентабелдүү эмес ишмердүүлүгүн сынга алды.
"Эмне үчүн мамлекет пайда көрбөгөн, андан дагы монополист ишкананы кармап турушу керек", - деп ишкананы жоюу мүмкүнчүлүгүн карап чыгууну тапшырды.
"Ар бир мамлекеттик компаниянын бизнес-планы жана процесстерди түшүнүүгө башкаруучулук мамилеси болушу керек. Кызматтык унааларды сатып алуу жана кеңсени оңдоп-түзөөдөн өткөрүп коюу - бул эффективдүү башкаруу эмес, бул жөн гана чыгаша. Технологияларды сатып алып, инновациялык долбоорлорду ишке ашыруу керек", - дейт Акылбек Жапаров.
Министрлер кабинетинин төрагасы мамлекеттик ишканалардын жана акционердик коомдордун жетекчилерине 25-январга чейин мамлекеттик ишканаларды мындан ары өнүктүрүү боюнча бизнес-пландарды тапшырууну тапшырды.
