УКМК Райымбек Матраимовго издөө салынганын жарыялады
УКМК Райымбек Матраимовго издөө салынганын жарыялады. Мамлекеттик бажы кызматынын төрагасынын мурдагы орун басары Райымбек Матраимовго издөө салынганын 26-январда Kaktus.media редакциясындагы өздүк булактар билдирди.
Райымбек Матраимовго Кылмыш-жаза кодексинин 169-беренеси- "Эркиндигинен мыйзамсыз ажыратуу" менен кылмыш иши козголгону кабарланды.
Тиешелүү көрсөтмөлөр ички иштер органдарына бөлүштүрүлдү.
Эске сала кетсек, такталбаган маалыматтар боюнча, 2023-жылдын октябрынын аягында Райымбек Матраимов өлкөдөн Түркияга кетип, ал жактан Дубайга чыгып кеткени үчүн дээрлик бардык күч түзүмдөрүнүн кызматкерлерин көтөрүшкөн.
Укук коргоо органдарындагы булактардын айтымында, Матраимов мамлекеттик бюджетке бир нече жүз миллион сом түшүрөм деп убада берип, бирок өз милдеттерин аткарбай жок болуп кеткен.
2023-жылдын ноябрь айында Райымбек Матраимовдун бир тууганы, Жогорку Кеңештин депутаты Искендер Матраимов Мамлекеттик бажы кызматынын экс-орун басарынын өлкөдөн чыгып кеткени чынбы деген Kaktus.media сайтынын суроосуна жооп берген эмес.
"Сиздин суроолоруңузга жооп бербейм", - деди ал кеңсенин кабыл алуу бөлмөсүнөн чыгып, жардамчысы журналистти киргизбей койгон.
Кабарчы депутат сөз эмне жөнүндө болорун да билбейт деп жооп бергенде, Матраимов: "Байкеси жөнүндө болсо керек, туурабы? Ал өзү үчүн жооп берет", - деген болчу.
"Ошондуктан аны Кыргызстандан таппай жатышат, кыязы, ал өлкөдөн чыгып кеттиби?", - деген журналист.
"Анда, өзүңөр издегиле! Мен ал үчүн жооп бере албайм. Мен өзүм үчүн жооп берем", - деген эле Райымбек Матраимовдун иниси.
