Балыкчыда окуучуну сүзгөн окуя боюнча прокуратура кылмыш ишин козгоду
Балыкчы шаарында 11 жаштагы кызды сүзүп кеткен жол кырсыгы боюнча прокуратура тарабынан кылмыш иши козголду. Башкы прокуратурадан маалымдашкандай, факты боюнча 144-берене ("Коркунучта калтыруу - этиятсыздыктан ден соолукка оор залал келтирген жосун) менен кылмыш иш ачылды.
Ошондой эле аталган факты боюнча облустук ички иштер башкармалыгы тарабынан 312-берене ("Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу - этиятсыздыктан ден соолугуна оор залал келтирген ошол эле жосун") менен кылмыш иши козголгон.
Ысык-Көл прокуратурасы бул кылмыш ишин тергөөнү УКМКнын Ысык-Көл облусу боюнча башкармалыгына тапшырды.
Учурда тергөө аракеттери жүргүзүлүүдө, анын жүрүшү башкы прокурордун көзөмөлүндө турат.
