Милициянын подполковниги 20 миң доллар опузалаганга шектелип кармалды

Окуялар

2052

1 март 2024 11:01

Негизги жаңылыктар кыскача Telegram каналында

ИИМдин ыкчам кызматкери пара алып жаткан жеринен кармалды. Башкы прокуратуранын маалыматына ылайык, подполковник алдамчылык фактысы боюнча кылмыш ишин козгоо үчүн акча каражатын талап кылган.

Милициянын подполковниги 20 миң доллар опузалаганга шектелип кармалды

Такталгандай, А.Э. аттуу жаран BMW X7 унаасын белгисиз адамдар ээлик кылып алгандыгына чара көрүү жана автоунаасын кайтарып берүү өтүнүчү менен милицияга кайрылган. ИИМдин Кылмыш иликтөө башкы башкармалыгынын ыкчам кызматкери К.М. жана анын С.У., Т.А. аттуу шериктери кылмыш ишин козгоо үчүн 20 миң доллар опузалап пара талап кылган. Мындан улам жабырлануучу Аскер прокуратурасына кайрылган.

Аталган факты боюнча 343-берене (Опузалап пара алуу) менен кылмыш иши козголгон.

Тема боюнча:

Ошто милициядан 150 миң сом талап кылганга шектүү кармалды

Аскер прокуратурасы менен УКМКнын кызматкерлери ыкчам тергөө жүргүзүп, 29-февралда Бишкек шаарынын И.Ахунбаев жана Ж.Бакаев көчөлөрүнүн кесилишинде милициянын подполковниги К.М. жана анын шериктери С.У. жана Т.А. опузалаган акчанын 4 миң долларын пара катары алып жатканда кармалып, камакка алынды.

Учурда кылмышка тиешеси бар башка жооптуу кызмат адамдарын аныктоо максатында тергөө амалдары жүргүзүлүүдө.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60.

url: https://gorod.kaktus.media/15646