Чүйдө дачадан аялдын сөөгү табылган. Кылмышка шектүү издөөгө алынды
Чүйдө "Электромеханик" дачасынан аялдын жансыз денеси табылган. Анын өлүмүнө шектүү изделип жатканын Чүй ОИИББден кабарлашты.
Такталгандай, 2-мартта Сокулук РИИБдин нөөмөт бөлүмүнө "Электромеханик" дачасынан киши колдуу каза болгон аялдын сөөгү табылганы тууралуу маалымат түшкөн. Каза болгон жаран 1975-жылы туулган М.А. экени такталган.
Аталган факты боюнча "Киши өлтүрүү" беренеси менен кылмыш иши козголуп, экспертизалар дайындалган.
Тергөөнүн алкагында кылмышты маркум менен чогуу жашаган, мурда бир нече жолу соттолгон 1975-жылы туулган Шаршеев Бердибек Шеримкулович аттуу жаран жасагандыгы аныкталды.
Эгерде шектүү тууралуу кандайдыр бир маалымат болсо төмөнкү телефондорго кабар берип коюуну өтүнөт башкармалыктан: 0312 607567, 0500666600, 0702451577 же 102.
