Бишкек ЖЭБдеги жарылуунун себептери айтылды
Бишкек ТЭЦиндеги жарылуунун себептерин аныктоо боюнча түзүлгөн ведомстволор аралык комиссиянын ишинин жыйынтыгы тууралуу министрлер кабинетинин төрагасынын орун басары Бакыт Төрөбаев маалымат берди.
Бүгүн, 11-апрелдеги маалымат жыйында Төрөбаев комиссия 5-февралда түзүлгөнүн жана өзгөчө кырдаалдын келип чыгышынын техникалык себептерин аныктаганын айтты.
Айтымында, 1-февралда ЖЭБде 11 отказан агрегаты жана жети турбогенератор иштеп, электр тармактарына болжол менен 435 МВт электр энергиясын берген.
Ошол эле күнү сааат 22:57де нөөмөт жетекчилигинин көрсөтмөсүнө ылайык, "Кыргызстан улуттук электр тармагы" ишканасынын борбордук диспетчердик кызматынын диспетчеринин макулдугу жок №18 жылуулук агрегатору токтотулган.
2-февралга караган түнү саат 02:45те нөөмөт жетекчиси №18 жылуулук агрегатын кайра иштүүгө буйрук берет.
Саат 02:54кө чейин машинист отказанга аба берүүнү жөнгө салат. Андан кийин отказандын газ күйгүчүн ачып, факел менен күйгүзөт.
Саат 02:57де машинист №5 газ күйгүчтү ачып, отказандын мешине факелди салат.
Саат 02:58де казандагы басым кескин төмөндөп, көзөмөлдөн чыгат. Ал эми резервде турган №18 тегирменде басым кескин жогорулайт;
Саат 02:59да №18 тегирменде жарылуу болуп, ЖЭБдин эски блогу автоматтык түрдө өчкөн. Жаңы блок 160 МВт жүктү камсыздап, ысык суунун деңгээли 70тен 30-40 градуска чейин төмөндөй баштаган.
"Шаардын борбордук жылытуу системасынын иш-аракетин сактап калуу үчүн имараттын жылытуу системалары ажыратылып, бир катар кичи райондордо ысык суу өчүрүлө баштаган", - деп белгиледи Төрөбаев.
Алдын ала эсептөө боюнча, авариядан улам 69 миллион 630 миң сом зыян келтирилген.
