Кантта милицияны ур-токмокко алгандар кармалды
Кант шаарында милициянын тергөөчүсүн сабаганга шектелип 3 адам кармалды. Бул туурасында Чүй ОИИББден маалымдашты.
Такталгандай, 14-апрелге караган түнү саат 04:00 чамасында Канттагы "Маркет-24" дүкөнүнүн жанынан белгисиз адамдар 1991-жылы туулган К.Рны уруп, сабап, денесине жаракат келтирген. Жабырлануучу Улуттук госпиталга жаткырылган.
Бул факты каттого алынып, 280-берене (Бейбаштык) менен кылмыш иши козголгон. Тиешелүү экспертизалар, анын ичинде соттук-медициналык экспертиза дайындалган.
Тергөө амалдарынын жүрүшүндө жабырлануучу Ысык-Ата РИИБдин тергөө бөлүмүнүн кызматкери экени аныкталган. Ал эми шектүү катары 1989-жылы туулган Д.А., Э.У. жана 1991-жылы туулган И.Т. кармалып, убактылуу кармоочу жайга киргизилди.
Учурда тергөө амалдары уланууда.
