Мөөнөтүнөн мурда шайлоо. Эки талапкер шайлоого катышуудан баш тартты
Бир мандаттуу Ош, Кара-Суу жана Баткен шайлоо округдары боюнча шайлоого 33 талапкер катышууда: Баткен районунан 10 талапкер, Кара-Суу районунан 9 талапкер, Ош районунан 14 талапкер. Бул тууралуу Шайлоо жана референдум өткөрүү боюнча борбордук комиссиясынын жыйынында белгилүү болду.
Мындай чечим талапкерлердин 28-апрелде өтө турган мөөнөтүнөн мурда шайлоого катышуудан баш тартуу арызынын негизинде кабыл алынган.
Белгилесек, Руслан Маматов 2020-жылдын октябрь окуясында Кара-Суу районунун акиминин ордун ээлегени белгилүү, бирок ал кезде ротация болгон эмес. Андан кийин өзүн-өзү дайындаган адам бийликти басып албагандыгын, бирок имаратты кимдир-бирөө талкалап салбасын деп администрацияда "көзөмөлдү кармаганын" түшүндүргөн. Ошондой эле Кашкар-Кыштак айылдык кеңешинин депутаты болуп, ушул эле аталыштагы айыл өкмөтүн жетектеген.
Буга чейин Жогорку Кеңештин депутаттары Искендер Матраимов, Нурлан Ражабалиев жана Айбек Осмонов мандатын тапшырышкан. Бул округдар боюнча кезексиз шайлоолор белгиленген. Аларга 35 талапкер катышууда. Шайлоого 23 миллион сом каралган. Шайлоо 28-апрелде өтөт. Үгүт иштери 8-апрелде башталган.
