Иракта бир жыныстуу мамиле үчүн абакка кесүү боюнча мыйзам кабыл алынды
Ирак парламенти ишемби күнү, 27-апрелде бир жыныстуулардын мамилесин жазалай турган мыйзамды кабыл алды. Депутаттар анын зарылдыгын "диний баалуулуктарды коргоого" байланыштырышат, деп жазат Reuters.
Агенттик карап чыккан документтин текстинде айтылгандай, "Ирак коомун моралдык жактан бузулуудан жана дүйнөнү каптаган гомосексуализмге чакырыктардан коргоо" зарыл. Мыйзам долбоорун колдогон добуштар негизинен Ирактын басымдуу бөлүгүн мусулмандар түзгөн парламентиндеги эң чоң коалицияны түзгөн консервативдүү шиит партияларынан болду, деп жазат Reuters.
Мыйзам 10 жылдан 15 жылга чейин эркинен ажыратуу менен бир жыныстуу мамилелерге тыюу салат жана "гомосексуалдык үгүттөө" же сойкулук үчүн кеминде жети жылга эркинен ажыратуу каралган. Ошондой эле "биологиялык жынысын өзгөрткөн" же атайылап "аялдай кийинген" үчүн бир жылдан үч жылга чейин жаза каралган.
Мыйзам долбоорунда адегенде бир жыныстагылар үчүн өлүм жазасы каралган, бирок акырында ага өзгөртүүлөр киргизилген.
